Philosophia Botanica | Characteres | 165


165. Quaecunque vegetabilia in fructificationis partibus (86) conveniunt, non sunt, ceteris paribus (162), in Dispositione Theoretica (152) distinguenda.


Gesnerus invenit, Cesalpinus introduxit, Morisonus resuscitavit, Tournefortius enutrivit hoc summum in Botanices scientia inventum.

Rivinus: Quaecunque conveniunt flore & semine, eodem nomine designandae sunt; & vi oppositorum.

Knautius: Quaecunque plantae ad eundem modum florent, & capsulas seminales producunt, illae ad idem genus pertinent; & vicissim e contrario.