Philosophia Botanica | Characteres | 152


152. DISPOSITIO (151) Vegetabilium diuisiones s. conjunctiones docet; estque vel Theoretica, quae Classes, Ordines, Genera; vel Practica, quae Species & Varietates instituit.


Dispositio plantarum, ex fundamento fructificationis, recentiorum inventum est.

Practica ab eo potest tractari, qui de Systemate nihil intelligit.

Theoretica curam Systematis gerit; hanc Cesalpinus, Morisonus, Tournefortius & alii excoluere.