Philosophia Botanica | Sexus | 143


143. ANTHERAS (140) esse plantarum Genitalia Masculina, & eorum POLLEN veram Genituram, docet Essentia (88), Praecedentia (141), Situs, Tempus, Loculamenta, Castratio, Pollinis structura.


Situs: Didynamistis stamina adscendunt sub Corollae labium superius, quo & se Pistillum flectit.

Monoeciae pleraeque flores stamineos supra pistilliferos gerunt: Zea, Ricinus.

Tempus: Monoeciae & Dioeciae flores Masculi eodem tempore Antheras, quo Pistilla Stigmata, perficiunt.

Castratio: Musa oppositum, ubi flores staminei serius quam pistilliferi, sterilem gerit fructum absque Seminibus.

Melonis flores stamineos qui diligenter auferunt, fructus non obtinent.

Loculamenta: Antherae uniloculares, biloculares, triloculares, quadriloculares, exacte uti Pericarpium. §. 101.

Pollinis structura singularis & determinata ut semina. §. 101.

Est omne Pollen vesiculare, & continet materiam impalpabilem, quam explodit.