Philosophia Botanica | Fructificatio | 107

107. RECEPTACULUM Floris (86) Perianthium interne cingit in Icosandriis aliisque, adnascitur undique in Cucurbitaceis (77: 45).

Receptaculi consideratio magni momenti res in methodo naturali est.

Pleraeque Plantae Receptaculum floris s. Stamina & Petala fundo floris inserunt.

Icosandrae (Ord. nat. 45. 46. 47. 48) Calycem monophyllum habent, quem interne undique cingit linea, cui stamina & petala adnectuntur.

Calyces ejusmodi floriferos etiam in aliis observamus; Lythrum, Epilobium, Oenothera, Ammannia, Isnarda, Peplis, Elaeagnus.

Cucurbitaceae (Ord. Nat. 45), Receptaculum in his interne obvestit undique Perianthium, cui Corolla quasi adglutinatur.

Idem in Cactis obtinet.

Receptaculum elevans Pericarpia: Passiflora, Capparis, Breynia, Arum, Calla, Dracontium, Pothos, Zostera, Nepenthes, Clutia, Helicteres, Sisyrinchium.