Philosophia Botanica | Fructificatio | 106


106. CALYX Corolla minus coloratus esse solet.


Perianthium hic primario intelligitur; secundario Involucrum & Spatha,

Ratio patet ex materia Calycis, ex cortice plantae nata.

Exempla rariora contrarium indicantia.

Bartsia americana: Perianthium sanguineum.

Cornus herbacea: Involucrum niveum; Petala nigra.

americana: Involucrum rubrum cordatum.

Astrantia: Involucrum coloratum.

Palmae: Spathae sanguineae.

Ubi corolla deest, Perianthium communiter magis coloratum esse solet, praesertim tempore florescentiae, ut in Ornithogalo, Persicaria, Polygono.

Calyx aut Corolla minus colorata ubi observantur, ibi folia saepe colorem induunt, ut in Amarantho tricolore.