Philosophia Botanica | Nomina | 245
245. Nomen genericum unius generis, nisi supervacaneum (215-217), in aliud transferri non debet, licet eidem aptius competeret.
Quis longo aevo recepta vocabula commutaret hodie cum Patrum?
| Hyacinthus veterum est | Delphinium. | ||||
| Tribulus | — | — | — | — | Fagonia. |
| Opulus | — | — | — | — | Humulus. |
Botanici seculo XVI. inquirentes veterum vocabula, Botanicen fere perdebant.
Notissima sint genera A. B. C. D. secundum nostra genera plantarum.
- Lithospermum.
- Myosotis.
- Alsine.
- Cerastium.
Tournefortius genus B sub A comprehendit, adeoque nomen B in D. transtulit.
Ruppius distinxit genera A & B, & nomen Myosotis T. revocavit a D ad B, & genus D sub C reduxit.
Dillenius genus C ab C distinxit cum Tournefortio, nec D uniit cum C, uti Ruppius; Genera etiam A & B distincta cum Ruppio servabat, nec ut Tournefortius haec A B miscuit: adeoque nomen Myosotis plantae B. concessit, novum autem (Cerastium) D imposuit.
Tyro qui antea conjunxit vocabulum Myosotis cum genere D, ex sententia Tournefortii, nunc vero tenetur idem combinare cum B, secundum Ruppium, haesitat semper, utrum hoc cum B aut D conjungat.