Philosophia Botanica | Tabulae, Instructiones | Addenda
ADDENDA.
Plenitudo.
XERANTHEMI impletio per Paleas propria est & singularis, ut in Jasione.
Paleae disci elongatae, coloratae, expansae, facie & structura squamarum calycis radium mentientium.
Flosculi naturalibus vix majores, adeoque paleis breviores.
Radii feminei steriles! Stylo patente, longitudine palearum. Stigmate simplici.
Disci hermaphroditi Stylo breviore, Stigmate bifido.
Obs. floris simplicis flosculi, calyci proximi, hermaphroditi sunt; singulare itaque quod plenus flos radium femineum assumat.
RIBES inerme, floribus oblongis. Hort. cliff. 269.
Germen excluditur in pleno flore.
Calyx quinquepartitus ad Basin, reflexo patens, coloratus: laci iis linearibus.
Corollae loco series triplex petalorum, calyci simillima.
Staminum Pistillorumque loco Conus acutus, quinquefidus.
HYACINTHUS panicula comosa, sanesius. Column. ecphr. 2. p. 10. t. 12.
Spica in Paniculam conglomeratam effusa.
Stylus, nec his satis evidentibus, videntur omnes Flores constare absque Corolla, Staminibus, Germine, aut alio rudimento florum, saepe 20. in eodem pedunculo.
Squamae minimae, alternae, subjectae quovis stylo: ex singula squama videtur novus pedicellus prognasci, quid itaque monstrosius.