Philosophia Botanica | Fructificatio | 95


95. FIGURA naturalissima (93) est, quod Calyx minus patens contineat Corollam sensim dilatatam, Staminibus & Pistillis erectis, sensim adtenuatis instructam; hisce, excepto Calyce, decidentibus, Pericarpium intumescit & extenditur, Seminibus refertum.


Calyx Perianthium erectius est, ut fulciat corollam.

Corolla magis vel minus ad infundibuliformem saepius accedit.

Staminum Filamenta, sursum plerumque adtenuata, subulata, erecta, parum apicibus reflexa.

Pistillorum Styli in plerisque erecti & angusti, uti filamenta.

Pericarpium intumescere & accrescere vulgatissimum est.