Philosophia Botanica | Plantae | 85
85. HYBERNACULUM (81) est pars Plantae includens Herbam (81) embryonem ab externis injuriis; estque Bulbus vel Gemma.
- BULBUS est hybernaculum
caudici descendenti (80) insidens.
Squamosus f. 125. constans imbricatis lamellis: Lilium.
Solidus f. 126. constans substantia solida: Tulipa.
Tunicatus f. 127. constat tunicis numerosis: Cepa officinarum.
Articulatus constans lamellis catenulatis: Lathraea, Martynia, Adoxa.
- GEMMA est hybernaculum caudici
adscendenti (80.) insidens.
Constat vel Stipulis, vel Petiolis, vel Foliorum rudimentis, vel Squamis corticalibus.
Uti Plantae pleraeque in frigidis, sic in calidis Terris vix ullae, gemmis gaudent.
Carent gemmis Arbores variae: Philadelphus, Frangula T. Alaternus T. Paliurus T. Jatropha, Hibiscus, Bahobab, Justicia, Cassia, Mimosa, Gleditsia, Erythrina, Anagyris, Medicago, Nerium, Viburnum, Rhus, Tamarix, Hedera, Erica, Malphighia, Lavatera, Solanum, Asclepias, Ruta, Geranium, Petiveria, Pereskia Pl. Cupressus, Thuja, Sabina.
Species Gemmarum variae sunt.
Deciduae in Dentaria, Ornithogalo, Lilio, Saxifraga.
Foliiferae, non floriferae: Alnus.
Foliiferae & floriferae distinctae: Populus, Salicis species, Fraxinus.
Foliiferae & floriferae femineae: Corylus, Carpinus.
Foliiferae & floriferae masculae: Pinus, Abies.
Foliiferae & floriferae hermaphroditae: Daphne, Ulmus, Cornus, Amygdalus.
Foliifero-floriferae, ut pleraeque arbores.
Loeflingii Diss. de Gemmis arborum cetera docet.