Philosophia Botanica | Vires | 365

365. Oeconomicus Usus plantarum generi humano utilissimus est.

Usuales plantas pro Pane, Cibo, Potu, Aedificiis, Utensilibus, Instrumentis, Opificiis, Tincturis probe observet ubique locorum Botanicus & describat.

Flora Oeconomica ejusmodi nonnulla collegit.

Itinera nostra Oelandicum, Gottlandicum, Westro gothicum, Scanicum, varia suppeditarunt.

Usus plantarum pro pabulo animalium sollicite inquirendus.

Pan suecicus hujus fundamenta jecit.

Usus plantarum pro Oeconomia universali naturae sedulo indagandus.

Oeconomia Naturae (Dissert. ac.) ejusmodi plura conquisivit.

In scientia Naturali
     Principia veritatis
Observationibus confirmari debent.