Philosophia Botanica | Vires | 357
357. Locus siccus sapidiores, succulentus insipidas magis, aquosus saepius corrosivas reddit.
Aquaticae plurimae plantae acres & corrosivae sunt: Ranunculus, Calla, Nymphaea, Sium, Phellandrium, Cicuta, Persicaria, Armoracia, Sisymbrium.
Succulento solo natae plantae magis insipidae: ut Olera pleraque.
Sicco solo proveniunt praestantissima aromata: Cinnamomum, Rosmarinus, Thymus, Salvia, Origanum, Clinopodium, Hyssopus, Lavandula, Melissa, Caryophyllus.
Aromata sapidissima sunt sicca & plantae exsiccatae evadunt sapidiores.
Fructus horaei in humidis & umbrosis austeriores, in siccis & soli expositis dulciores evadunt.