Philosophia Botanica | Varietates | 311


311. Foliorum luxuriatio in Oppositione & Compositione facillime accidit. Crispa & Bullata folia omnia monstrosa sunt.


Opposita folia §. 83: 112. saepe evadunt Terna 83: 111, seu Quaterna 83: 111. & tum ex caule Quadrangulari fit caulis Polygonus.

Lysimachia lut. major, foliis ternis T.

Lysimachia lut. major, foliis quaternis. T.

Lysimachia lut. major, foliis quinis. T.

Anagallis caerulea, foliis binis ternisve ex adverso nascentibus. Raj.

Anagallis phoenica, foliis amplior. ex adverso quaternis. T.

Salicaria trifolia, caule hexagono. T.

Digitata folia saepe addunt unum alterumve foliolum.

Trifolium quadrifolium hortense album C. B.

Crispis foliis plantae sunt omnes monstrosae varietates, uti Corollae plenae in floribus, adeoque plantae his foliis instructae nullae naturales, sed omnes aliam pro matre agnoscunt.

Apium s. Petroselinum crispum. C. B.

Heracleum: Sphondylium crispum. C. B.

Rumex: Lapathum folio acuto crispa. C. B.

Acetosa foliis crispis. C. B.

Reseda crispa gallica, Bocc.

Luteola lusitanica pumilla crispa T.

Brassica laciniata rubra. J. B.

Nasturtium hortense crispum. C. B.

Malva crispa J. B.

Lactuca crispa. C. B.

Cichorium crispum. T.

Lapsana folio amplissimo crispo. B.

Tanacetum foliis crispis. C. B.

Matricaria crispa.

Asplenium: Lingua cervina maxima, undulato folio. H. R. P.

Leonurus; Cardiaca crispa. Raj.

Mentha crispa danica. Park.

Ocymum latifolium maculatum vel crispum. C. B.

Odor in Tanaceto, Mentha, Ocymo, Matricaria augetur cum crispatura, quod singulare.


Bullata folia §. 374. fiunt plerumque ex rugosis 83: 64. aucta & multiplicata, adeoque elevata, substantia folii intra ejusdem vasa:

Ocymum foliis bullatis. C. B.

Brassica undulata. Renealm.

Lactuca capitata, foliis magis rugosis. B.

Lactuca capitata major, foliis rugosis & contortis. B.

Lactuca capitata omnium maxima, verrucosa. B.

Saponaria concava anglica, ob florem variantem (p. 83.) lepide Gentiana folio convoluto J. B. dicta, singulari modo bullatum folium constituit deficientibus rugis, coarctato enim margine concava evadunt Folia cochlearis instar.


Tenuifoliae Plantae interdum nascuntur ex latifoliis, sed minus frequens est haec varietas:

Heracleum hirsutum, foliis angustioribus. C. B.

Lycopus foliis in profundas lacinias incisis. T.

Brassica angusto apii folio. C. B.

Veronica austriaca, foliis tenuissime laciniatis. T.

Sambucus laciniato folio. C. B.

Sonchus asper laciniatus C. B.

Valeriana sylvestris, foliis tenuissime divisis. C. B.