Philosophia Botanica | Differentia | 301

301. Omne adjectivum (300) in nomine specifico sequi debet substantivum suum.

Quemadmodum in Characteri praecedat semper pars seu praedicatum, ita & in differentia semper substantivum, cui adjectivum competit, ut fiat distinctissima idea, ne errore typographi, ob comma vel punctum, alienus sensus suboriatur.

Corona solis parvo flore, tuberosa radice T.

Rectius: flore parvo, radice tuberosa.

Sinapistrum aegyptium heptaphyllum, flore carneo, majus spinosum. Herm.

Rectius: aegypt. heptaphyll. majus spinosum, flore carneo.

Orchis aethiopica, maxima, maculata aviculam niveam, macula sanguinea, in dorso, notatam repraesentans, galea caerulea, amplissima, pulvere argenteo, adspersa in area, insigniter splendente.

Rectius aethiopica, maxima, maculata, repraesentans aviculam niveam: notatam in dorso macula sanguinea, galea caerulea amplissima adspersa pulvere argenteo.