Philosophia Botanica | Differentia | 289


289. Nomen specificum Synopticum (288) plantis congeneribus (159) notas semidichotomas imponit.


Ubi notae essentiales speciei investigari nequeunt, necesse est, ut per Synopsin fiat differentia, adeoque Synopsis est succedanea differentiae essentialis.

In vastissimis generibus saepius ad Synopsin adsumendam coacti sumus.

Salix foliis serratis glabris ovatis acutis subsessilibus. Roy. Synoptice.

Salix flosculis pentandris. Fl. lapp. Essentiale.

Salix foliis subintegerrimis lanceolato-linearibus longissimis acutis: subtus sericeis, ramis virgatis. F. su. Synoptice.

Salix foliis linearibus revolutis. Essentiale.