Philosophia Botanica | Differentia | 261
261. Notae collatitiae cum aliis speciebus diversi generis, falsae sunt.
Praesupposuerunt antecessores apud Tyronem empyricam cognitionem plerarumque plantarum Europaearum, tanquam ex ideis innatis, adeoque in arte Doctis scripsere, nos autem indoctos docere tantum studemus.
Lege artis mutuo noscatur planta ex nomine & nomen ex planta; utrumque ex proprio charactere; in illo scripto, in hac delineato; Tertius non admittatur.
Nomina praesupponentia alias plantas deduxere tandem homines in vertiginem.
Erronea Nom. Spec. proclamamus ea, quae similitudinem alterius plantae ex Herba, Fructificatione, Habitu, graece aut latine gerunt.
a Foliis
- Jacobaea.
- Betonicae folio.
- Glasti folio.
- Chrysanthemi folio.
- Rosmarini folio.
- Absinthii folio.
- Hieracii folio.
- Hormini folio.
- Sonchi folio.
- Dentis leonis folio.
- Helenii folio.
- Limonii folio.
- Senecionis folio.
ab Imaginatione.
-
Clinopodium Origani facie. Ocymi facie. Adonis Buphthalmi flore. Cirsium Hellebori nigr. rad.
per Vertiginem.
- Jacobaea Hieracii folio.
- Hieracium Blattariae folio.
- Blattaria Verbasci folio.
- Verbascum Conyzae folio.
- Conyza Salviae folio.
- Salvia Hormini folio.
- Horminum Betonicae folio.
- Betonica Scrophulariae folio.
- Scrophularia Melissae folio.
- Melissa Plantaginis folio.
- Plantago Coronopi folio.
- Coronopus Senecionis folio.
- Senecio Jacobaeae folio.
per Graecismum.
- Acer Platanoides.
- Brassica Asparagoides.
- Carduus Centauroides.
- Adonis Helleboroides.
- Vicia Lathyroides.
- Pseudo-Helleborus Ranunculoides.