Philosophia Botanica | Differentia | 260


260. Magnitudo species non distinguit.


Magnitudo mutatur a Loco, Solo, Climate; mutatur a copia alimenti in plantis, non minus quam in animalibus.

Magnitudo, si varians sit, nec mutans speciem, nequit differentiam essentialem, nomini specifico subministrare.

Erronea Nom. Spec. sunt omnia a magnitudine Plantae, Radicis, Herbae, Fructificationis.

Polytrichum maximum Pluk. minus est quam Thalictrum minimum.

Plantago major, a nonnullis media cognominata. J. B.