Philosophia Botanica | Characteres | 207


207. Classes & Ordines nimis longae vel plures difficillimae sunt.


Sexuali Methodo classis Pentandriae & Syngenesiae vastissimae, adeoque in hoc systemate, prae reliquis difficilius, in his distinguuntur Genera.

Ordo Pentandriae Monogynae ob copiam Generum difficilius distinguitur; ut aliorum Methodos intactas relinquam.

Boerhaave classes 33 habet; Knautius 8; ideoque prioris ordines erunt plures & breviores: posteriores autem pauciores, & vastissimi.