Philosophia Botanica | Characteres | 179
179. Situs (97) partium constantissimus est. Receptaculi (86) situm in ordinibus (161) magni fecit Tournefortius (64).
TOURNEFORTIUS calicem abire in fructum rectius intellexit, quam vere dixit; idem enim est ac germen, vel supra elevatum vel infra perianthium detrusum, ut in Saxifraga & Geo T.
Situs partium rarissime in congeneribus mutatur.
Ambit interne calycis parietes receptaculum in Icosandriis aliisque, unde corolla & filamenta calyci inseruntur in Fragaria, Pyro, Oenothera.