Philosophia Botanica | Characteres | 168
168. Habitus (163) occulte consulendus est, ne genus erroneum levi de caussa fingatur.
Experientia rerum magistra, primo intuitu ex facie externa, plantarum familias saepius divinat.
Exempla confirmant regulam:
Isopyrum, Nigella, Helleborus, Caltha diversa.
Sambucus & Ebulus; Trifolium & Triphylloides conjungenda.
Primo intuitu distinguit saepius exercitatus Botanicus plantas Africae, Asiae, Americae, Alpiumque, sed non facile diceret ipse, ex qua nota. Nescio, quae facies torva sicca, obscura Afris: quae superba, exaltata Asiaticis; quae laeta, glabra, Americanis; quae coarctata, indurata Alpinis?
Occulte consulendus est habitus, ne intret cohortem notarum characteristicarum & genera disterminet; Exemplis probatur Boerhaavii Ind. Lugduno-Batavi; cum nullus ex facie descripta homines singulos nosse studeret.
Characteres habituales sufficientes quamvis non sint, tamen primo intuitu plantam saepius manifestant; hi confici possent sequenti modo:
CARYOPHILLAEI, Ord. nat. 42.
Placentatio dicotyledonis.
Radicatio fibrosa.
Ramificatio opposita, articulata, erecta.
Intorsio pistilli sinistra.
Foliatio obvoluta, lanceolata, indivisa.
Stipulatio nulla.
Pubescentia vix notabilis,
Inflorescentia dichotoma.
VERTICILLATAE, Ord. nat. 58.
Placentatio dicotyledonis.
Radicatio fibrosa.
Ramificatio opposita tetragona.
Foliatio obvoluta, simplex.
Stipulatio nulla.
Pubescentia subvillosa.
Inflorescentia verticillata, bracteata.
ASPERIFOLIAE, Ord. nat. 43.
Placentatio dicotyledonis.
Radicatio fibrosa.
Ramificatio alterna.
Foliatio convoluta, simplex, indivisa.
Stipulatio nulla.
Pubescentia scabra.
Intorsio spiralis spicae recurvae.
Inflorescentia laterifolia.
UMBELLATAE, Ord. nat. 22.
Placentatio dicotyledonis reducta.
Radicatio fusiformis.
Ramificatio alterna, teretiuscula, erecta.
Foliatio duplicata, supradecomposita.
Stipulatio nulla, vaginans petiolo.
Pubescentia inermis.
Inflorescentia umbellata.
LEGUMINOSAE Ord. nat. 55.
Placentatio dicotyledonis immutata oblique inserta.
Radicatio fibrosa, subnodosa.
Ramificatio alterna.
Foliatio conduplicata s. convoluta, pinnata.
Stipulatio insignis.
Pubescentia - -
Intorsio cirrhosa.
Inflorescentia subspicata, secunda.
SILIQUOSAE Ord. nat. 57.
Radicatio carnoso-fibrosa.
Ramificatio alterna.
Foliatio convoluta, sublyrata.
Stipulatio nulla.
Pubescentia inermis.
Inflorescentia corymbosa, terminalis, ebracteata.
COLUMNIFERAE Ord. nat. 34.
Placentatio dicotyledonis, cordata, subplicata.
Radicatio fibrosa.
Ramificatio alterna.
Foliatio plicata, simplex.
Stipulatio angusta, patula.
Pubescentia subtomentosa.
Inflorescentia axillaris, pedunculata.
FILICES Ord. nat. 64.
Radicatio fibrosa, fascicularis.
Ramificatio disticha.
Intorsio circinalis.
Foliatio circinalis, pinnata.
Stipulatio nulla.
Pubescentia strigosa.
Inflorescentia dorsalis, sessilis.