Philosophia Botanica | Sexus | 148
148. FLOS (140), qui Antheras (143) MASCULUS, qui Stigmata (145), FEMINEUS, qui utraque (143. 144) continet, HERMAPHRODITUS dicitur.
Hermaphroditi adeo frequentes sunt in vegetabilibus, ut rariores in Animalibus; inter Vermes multi videntur esse hermaphroditi; Androgynae certe Cochleae sunt.
Necessaria est sexus conjunctio in plantis, quum conjugem quaerere & adire nequeant.