Philosophia Botanica | Fructificatio | 121

121. PLENUS (119) Flos, cum Corolla adeo multiplicatur, ut Stamina omnia excludantur.

Fit dum Stamina excrescunt in Petala, haec replent flores, & saepius suffocant pistillum, praesertim dum omnia stamina exclusa sunt.

Polypetali saepius fiunt pleni:

Malus, Pyrus, Persica, Cerasus, Amygdalus, Myrtus, Rosa, Fragaria.

Ranunculus, Caltha, Hepatica, Anemone, Aquilegia, Nigella.

Papaver, Paeonia, Dianthus, Silene, Lychnis, Coronaria.

Lilium, Fritillaria, Tulipa, Narcissus, Colchicum, Crocus.

Cheiranthus, Hesperis; Malva, Alcea, Hibiscus.

Monopetali rarius implentur:

Primula, Hyacinthus, Datura, Polianthus.

Steriles esse plenos, & ratio §. 150.

Genera non constituere plenos §. 184. 185.

Anthophilorum & Hortulanorum deliciae sunt flores Pleni.