Philosophia Botanica | Fructificatio | 114


114. COMPLETI Flores sunt Simplices aut Adgregati.


Divisio Florum Vaillantii haec erat:

Completus Flos gaudet Perianthio & Corolla.

Incompletus caret Perianthio aut Corolla.

Apetalus flos caret corolla, non Perianthio.

Nudus flos caret calyce, non corolla.

Dicitur magis apte nudus, ubi & Corolla & Calyce caret, quod tamen rarissimum est.

Primaria & maxime naturalis plantarum divisio ex Cotyledonibus desumta fuit, in Monocotyledones & Polycotyledones: ubi divisio inter simplices & proprie compositos flores sit, praesupponitur plantam esse polycotyledonem.